Transkription
1
zu Frauwenfeld gehenkt seÿn, als bÿ seinen
2
Ordensbrüederen solchen Spott ausstehen.
3
Hab doch sich ganz willig darinn ergeben,
4
vnnd vngebunden, aber mit weinenden Augen
5
ihnen gefolget: vnzweifenlich das er buosß
6
thüe. Qui stat, videat, nè cadat.
7
Der heütige Tag war hell meisten theils, vnnd
8
hatt die Kelte sich zimmlich, doch nit vberal
9
10
Himmel vber al erglanzet, vnnd lustig
11
geweßen, selbigen anzusehen.
12
Den 28. Ianuarii. Hatte ein feinen zimmlich lieblichen
13
Morgen, mit in etwas bedektem Himmel,
14
gantz rüehwig vnnd still, masßen auch die
15
verwichene Nacht geweßen.
16
Eß ist dißer Tag in Gintelhardischer herrschaft
17
einem dörflin Herrhaußen geheisßen, ein
18
vbler diebstahl geschehen. Eß hatte dorten
19
ein baur 2 Pferdt im Stahl, eines ettlich,
20
daß ander nur 3 jahr alt: vnnd war
21
diser so sorgfeltig, daß er sein Stahl thür
22
nit nur aüsßerlich mit einem Schlosß,
23
sonder auch innerlich mit einem starken
24
Nagel oder Rigel von Holz verstekt, vnnd
25
hiermit sein Veÿch bestes verwart zu-
26
haben vermeint. Vber die einte oder
27
andere Nacht kombt ein dieb, welcher
28
alle diße Rigel, nach demme er an
29
dennb daß Schlosß verschlagen, zuöfnen
30
gewüsst, nimbt erstlich das einte Rosß,
31
hernach
