Kloster-Tagebuch von Pater Joseph Dietrich

Transkription

Praefatio

molendini Superioris in Eschenz, iure retractus e manu haeretica Monasterio

nostro appropriati provisio, cuius aedeficia valde erant defectuosa, quo-

rum partem reparari feci, maiorem successori relinquendo. Vene-

runt dein aliae controversiae, maxime circa ius tavernale, in quo caupo

ad coronam Joannes Fridericus Harderus plurimam molestiam fecit, adeo

ut cum eo coram compromissariis Frauenfeldianis concertare, et iura

Monasterii manutenere necesse fuerit. Nec non Dominus Praefectus in

Steinegg Dominus Sigismundus Ulrich, fructus defectuosos in censum fun-

dalem solvens (non attenta iterata monitione) nec non decimales mani-

pulos fraudulenter in agris suis aufferens etc. etsi per sententiam frauen-

feldicam condemnatus esset, ulterius tamen ad solutionem sumptuum adigendus

fuit. Taceo infinita alia etc. Haec et similia totum

spatium temporis, quo hac tertia mea administratione in Freudenfels

affixus eram, mihi taediosum fuerunt, ut tres anni mihi fere tredecim

visi sint, non pro amoris magnitudine, sed fastidio rerum istarum, quas

eatenus nauseari coepi, ut suspirans liberationem, saepius cum David

exclamarem: Heu mihi Domine, quia incolatus meus prolonga-

tus est: ac cum prodigo in miseriis istis exclamarem: Quanti mer-

cenarii in domo Patris mei, in Monasterio ac sinu Virginis Matris

abundant panibus, quiete, solatio: ego autem hic fame, defectu omnis

solatii, in variis curarum inquietudinibus, et inutili anxietate, pereo.

Tandem cum Raphael Illustrissimus Princeps noster, cogente, ut ipse asserebat,

infirmitate (quam aliis taedium et fastidium nominare placuit, quod

negotia sua optatum terminum raro attingerent, aliaque sua intenta fi-

nem a votis plurimum dissitum sortirentur etc.) resignationem Abbatiae

suae fecisset, sibique sedem in Freudenfels, nec non huius dynasthiae

bonorum usum solemniter reservasset, cedendum mihi fuit tam invito,

quam invitus in alto lapis suspensus, ad centrum suum tendit etc.

Quis enim non suspiraret, tantae molis pressus pondere? Et ri-

debam (ignosce lector) eum nunc etiam experiri debere (aut

dicam potius voluisse) mortificationes a petulantibus famulis in rerum

domesticarum administratione saepe saepius ingestis ac ingerendis, qui

olim harum declinationem, et in melius commutationem misero mihi

negaverat. Ridebam (ignosce iterum lector) eundem nunc

omnes illas universi ruinosi aedificii incommoditates, ac labores

structurae portare velle, vel debere, qui olim eorum emendationem