Kloster-Tagebuch von Pater Joseph Dietrich

Transkription

Praefatio

ac authoritate Praefecti Frauenfeldici ad nostras partes transire

conati sunt, et transierunt etiam, Praefecto solemni mandato emulgato,

ne sal vel merces quaelibet in posterum nisi ad ripam alteram in

Erlen dictam perveherentur. Res ergo ad controversiam venit, Steiniis

mordicus sibi, nobis autem non minus serio vecturam hanc appropriare

conantibus. Ab initio Ex Eremo serio mandabatur, ne ullo modo

Steiniis cederetur, nisi ad summum pro dimidia parte. Laborabam in hoc

plurimum, vocato in auxilium Domino Ryeplin praefecto nostro in Gachnang.

nec non iuris peritorum consiliis petitis, ut tanto firmius intentioni Dominorum

Superiorum meorum satisfacere, ac praefatum vecturae ius manutenere possem.

Eatenus quidem, ut, dum Steinii me ad conferentiam in Wagenhusen ex-

petierunt^a, ac tertiam partem vecturae gratis cedere vellent (quam

cum summo honore, et insigni ab ipsis speranda remuneratione acce-

ptare licuisset) cedere nullatenus voluerim, sed spreto etiam lautissimo

quod nobis paraverant, prandio, potius re infecta discesserim,

quam vel latum unguem a iure Monasterii, ac mandato ultra dimidium

non conponendi, voluerim deflectere. Verum re ad dicasterium

Frauenfeldense delata, quando sententia nos Badenam ad Legatos

Cantonum demandavit, Illustrissimus Princeps noster nec sententiam exspectare,

quae tamen saltem dimidiam vecturam indubitanter adiudicasset, imo nec coram

iudice certare ausus, ex metu aliquo insanientis unius Tigurini, defi-

cere, sponte et cum suae Personae, tum nostrum omnium turpi despectu cedere

duas partes Steiniis, nostris unam solum de vectura reservare etc.

horrendum desuper studentibus Eschenziis nautis (tota etiam vicinia ridente)

qui suismet sumptibus contendere pro iure vecturae manutenendo parati

erant, et fecissent, nisi Monasterium nostrum ius istud sibi arrogasset. An non

materia grandis mortificationis ista erant? Taceo, quae

restabant de villa Schaffrat, Illustrissimo nostro semper exosa: de cuius admini-

stratione, quia tam ingrata erat, abiici tamen non poterat, nec rationes Ipsi

exhibui, pro posse tamen debita pleraque exsolvi, bona melioravi, am-

pliavi, expurgavi, pecoribus necessariis, ovibusque providi, suppellectile

necessaria accommodavi, meque eatenus impendi, ut in discessu meo

villa Schafrat non nisi pro 869 florenibus hypothecata fuerit, cum a prin-

cipio, quando ad manus nostras devoluta est, 3200 florenibus gravata fuerit.

reliqueram etiam ibi boves aratro trahendo aptos tredecim, vaccas tres,

iuvenculas tres, boves iuvenculos duos, vitulos tres, ovesque saltem

novendecim, omnibus fere parata pecunia solutis, nec obolo tamen ex bonis

Monasterii vel dynasthiae pro his impensis. Accessit etiam

molendini