Kloster-Tagebuch von Pater Joseph Dietrich

Transkription

Praefatio.

omnia in statu priore reliqui; omnia taedia cum insolentibus saepe

famulis devoravi, et quicquid durum fuit, per Dominum superavi;

ex hoc uno consolatus, quod venturus brevi insinuatus successor,

me ab his omnibus exempturus esset. Sic aedificium

pro ab iniuriis caeli, ac sub tecto custodiendis instrumentis agra-

riis, curribus, etc. et similibus; nec non conservandis lignis ad focum

et calefactionem fornacum etc. eatenus ruinosum erat, ut, nisi studio-

se fulcris et sustentaculis pluribus suffultum fuisset, necessario corruisset.

Quin imo ita suffultum ne corrueret, et quidem cum damno gravi, sine

periculo non erat. Necessitas ergo patentissima videbatur et mihi et

Dominis meis collegis, imo cuivis intuenti. Meditabar ergo amoto

vetere hoc ruinoso aedificio, succurrere, et simul torculi aedificium

(quod satis etiam misere stabat) restaurare, ac desuper penarium con-

struere, siquidem huius in abundantiore maxime fructuum quantitate

tanta erat necessitas, ut vel huius unius causa restauratio fieret utilissime.

Eum in finem dimidium iugerum Sylvae domui nostrae vicinae ab Ecclesia

Eschentia, eiusque tutore pretio conparavi, cum praescitu, consensu et approba-

tione Illustrissimi nostri: ~~xxx^a~~ ligna succidi feci, advexi, et per

lignarium fabrum facto pro novo aedificio modello, levigari feci: de

integro aedeficio contraxi: omnia approbante Fratre Casparo Mosbrugger,

Converso nostro, insigni aedili, et hac ipsa ex causa unice ex Eremo petito;

praeparatis item quercubus aliquot etc: Verbo, omnia in eo iam

statu erant, ut intra quinque vel sex septimanas aedificium inte-

gre stare et sub tecto esse potuisset. Erantque asseres, lapides,

et reliqua materialia fere omnia parata. Et ecce accessit mandatum

Principis, iubentis severe, ab aedificio hac vice cessare; materialia

vero ulterius maiori cumulo convehere, quo successor, si ipsi videretur, pro

genio suo struere posset, quod videretur. Igitur lignarius (cui merces

sua pro dimidio opere persoluta iam erat.) dimitti, levigata ligna in

cumulum componi, ac asseribus contegi opportuit, et in patientia successo-

rem exspectare. Non minus taedio plenum erat negotium

et controversia vecturae in Rheno cum Steiniis, pugnantibus, sibi... uni-

ce conpetere vecturam Salis ex Ermatingca allati et in territorio

Eschenzio deonerati et depositi tempore hyemali. Nos econtra obsti-

timus ex eo fundamento, quod Steinii ius nullum unquam in territorium nostrum

habuerint, et licet vecturam Salis ex altera ripa in Stygem hactenus

sine contradictione habuerint, attamen id solum gratiae et permissioni, non

iuris fuisse patuit, dum ad primam Domini Officialis Oeningensis instantiam,

vecturam hanc non Steiniis, sed Stigiis suis conpetere, statim cesserunt,