Einsiedeln Tagebücher - Band 6

[035]

Februarius.

1687

ter Manier zu handlen ein grosß misßfallen

getragen.a Hetten auch gleich darwider eine schrift-

liche Protestation nacher Schweÿtz schiken lasßen,

wann nit die hofnung geweßen, Herr Landt-

Sekelmeister werde nechster Tagen hier seÿn, vnnd

solle als dann Herrn Canzler mundtlich solche Prote-

station verrichten, vnnd ihme andeüten, das hier-

mit des Gottshaußes Recht vbel angegrifen

vnnd violiert seÿe. Herr Landt Sekelmeister

bleibte lang auß vber die vermeinte Zeit, vnnd

kam erst in der ersten Wochen der Fasten, den

18. Februarii allhero; da er von der sigenden Parthÿ

ersuecht vnnd gebetten worden, weilen Vogt Wis-

mann wegen der geschehenen Inhibition schirm

nit geben wolte, Er sie bÿ der Appellation Vrthel

schirmen wolle. Auf diß hin kam Herr Landts-

Sekelmeister in die Canzlÿ, dorten er Herrn Canzleren

vnnd Herrn Secretarium angetrofen, vnnd dißerem

Handel nachgefragt. Demme Herr Canzler ieni-

gen befelch der Protestation abgelegt, vnnd heiter

angedeütet, Ihre Fürstlich Gnaden verstehen solche In-

hibition zu grosßem Verdrusß, vnnd lasßen

vber die Appellation kein Syndication nit

gehen, verhofen auch, ein Loblicher Ohrt Schweÿtz wer-

de sie in dißerem Passu nit hinderen, sonder bÿ

alten Rechten bleiben lasßen vnnd schirmen. Herr

Landts-Sekelmeister antwortete, Eß seÿe von

Seiten seiner Gnädigen Herren vnnd Oberen nit die

Meynung, Ihre Fürstlich Gnaden vnnd dero Gotts-

hauß in ihren Rechten einiger Eintrag zu thuen,

sonder

__________________________________

Quelle: Klosterarchiv Einsiedeln

Seite vergrössern (neues Fenster)

Anzeigeoptionen ändern