Kloster-Tagebuch von Pater Joseph Dietrich

Transkription

Praefatio

recipere dignata es. Veneror vos, Sancti Eremi nostrae

Incolae et Patroni, qui indignum licet et immeritum adconsor-

tium vestrum, in aulam gloriosae Dominae Vestrae ac nostrae denuo

admisistis. Ah! utinam hic vobiscum liceat vivere in conti-

nuo, sedulo, Benedictino fervore amoris Divini (cuius gratiam

a Te, o Domina, miserorum omnium advocata, et a vobis Domi-

ni mei Patroni, per merita vestra impetrandam, devotissime su-

spiro, ac spero, precor ac supplico) donec consummato mor-

talitatis cursu, liceat mihi ascendere ad veram petram gau-

dii aeternae felicitatis, qua vos nunc et in aeternum fruimini:

ut sicut me indignum (et heu nimis, nimis indignum) tam gra-

tiose admittitis in consortium vestrum in terris, ita merear

esse aeternum in consortio vestro in aeterna beatitudine:

In qua vivite feliciter, uti vivitis, et fruimini, sicut fruimi-

ni dulci conspectu Deitatis, facie ad faciem, aeternum

aeternum, aeternum. Amen.

Lector benevole, ignosce, si latius, quam decuit, vel

hic, vel alibi excurri. Otium fugi: quamvis utilius

sacrum tempus in spiritualibus impendissem. Tu compatere

infirmitati meae ac negligentiae, et pro me paupere, Deum

exora: hocque tibi certum tene, nullibi securius, nullibi

felicius, nullibi quietius animae tuae domesticare posse, quam

in Monasterio; at excursus extra illud omnibus modis (sal-

va semper obedientia) devita. In novissimo, quando

anima aeternitatem intratura est, senties, quam dulce

sit iugum obedientiae in Monasterio. Illi ergo te humiliter

submitte, viriliter age et confortare: fateberis olim

verum esse Psalmistae exclamationem, quam tu de monasterio

intelligas.

Beati, qui habitant in domo tua Domine,

in saecula saeculorum laudabunt te.

Scripsi haec 28. Ianuaris in Octava Sancti Patris Nostri Meinradi

post Salve Regina. Anno 1699.

Annus 1697