Kloster-Tagebuch von Pater Joseph Dietrich

Transkription

Praefatio

animae meae in huiusmodi vicissitudinibus operantis?

Ut saltem nunc tandem, post multoties visas, expectas,

gustatas, palpatas miserias meas, peccatorumque

meorum gravitates, ad sinum Matris tanto fer-

ventius recurrerem, quanto suavius ipsa me ad hunc

revocare dignata fuit, inter alacriter famulantium

sibi Religiosorum coetum me (heu me miserum)

Subpriorem constituens, ut scirem, quia quia suscepi

animas regendas, etiam praeparare me deberem ad rationem

reddendam: et ita timens semper futuram discussio-

nem pastoris de creditis ovibus, dum de alienis

ratiociniis cavendum est, redderer de meis solli-

citus; et cum de admonitionibus meis emendationem

aliis subministrarem, ipse efficerer a vitiis emen-

datus. etc. Hanc igitur infinitae illius Bonitatis et Sapientiae

in me indignissimo terrae vermiculo dispositionem

pronus in terra adoro, pro ea gratias ago, aeter-

num ipsib me commendo, committo, resigno, utque ad terminum

illum felicissimum me deducere dignetur, per amo-

rem, quo indignem me amare, inter homines videri

et cum hominibus conversari dignata est, oro, atque

exoro.

Alias fusius tomum istum conscripsi, ut otium

potius fugerem (honesto utique fine) quam utili-

tatem aliam procurarem. Licebit in hoc videre

ingentem hisce temporibus annonae inopiam, qua

Maltherum frumenti ad viginti duos florenos

in vicino Steinensi oppido diutius venditum fuit.

Plaustrum vini de Anno 1693 vix e torculari

expressi, per ducentos florenos in parata vae-

niit: veteribus vinis ad trecentos vel amplius

florenos aestimatis, et quidem vix amplius re-

periundis