Kloster-Tagebuch von Pater Joseph Dietrich

Transkription

[011v]

Præfatio

veret, commodam simul occasionem praebeat, Dei-

parae Sacellum ceu speciale Sacrarium quotidie

sine omni impedimento visitandi. ¦ Ita

igitur misericordia Domini gratiose mecum dispo-

suit, quatenus vel nunc tandem in quiete positus,

multitudinem infinitorum peccatorum meoruma in vera

interna solitudine, ab omni saeculari cura ab-

stractus, cum humillima et syncera contritio-

ne deflerem, et prioris temporis negligentias

per opera Poenitentiae resarcirem. ¦ Quid

igitur post tantam Divinae Benignitatis in

indignum me beneficentiam restat, quam ut

tandem aliquando ab exterioribus ad interiora,

a terrenis ad caelestia, ab inferioribus hisce

ad Superna, a Creaturis ad Creatorem

me efficaciter convertam, et vocationi maximae

in humilitate et devotione ferventer respondeam?

¦ Gratias tibi o piissime Misericordiarum Pater

pro tam benigna in indigno servulo tuo

dispositione, quam veneror, et adoro; unice hoc

ex intimis precatus, ut tu amantissime Domine,

qui tanta bonitate me vocare, imo trahere

dignatus es, digneris etiam in me Divinissimam

Voluntatem tuam implere, ac denique perducere

ad optatam illam requiem, ubi te sine omni

cura, timore et sollicitudine liceat aeternum

intueri. Amen.

Scripsi haec 4. Februarii 1691 post Officium Divinum

hora 10 matutinali.