Kloster-Tagebuch von Pater Joseph Dietrich

Transkription

Praefatio

Postquam octo fere annis Oeconomiam Einsid-

lensem indignus et indigne administrassem,

contigit, Reverendum Patrem Pium Oeconomum in Freuden-

fels graviter circa tempus vindaemiarum

aegrotare. ¦ Cui imprimis in aliquam officii

provisionem vindaemiis saltem durantibus me sub-

misit Illustrissimus Princeps nostera: mox vero ob debilitates Reverendi Patris Pii de die

in diem ut videbatur crescentes, ita ut de vita

ipsius spes nulla fere esset, etiam in officium illud

succedere iussit, cum mandato, ut Reverendus Pater Pius

quovis modo possibili ad Monasterium reveheretur,

nisi morbi gravitas impossibilitatem praestrueret.

¦ Cum igitur in Sancta Obedientia circa finem Anni 1688

in Freudenfels devenissem, cernens, me ibi to-

tum solitarium, et ab omni fere hominum consortio

separatum esse, ne torpescerem otio, coepi nunc

in scribendo foeudali libro, nunc in Musica,

nunc in scribendo isthoc diario, praeter negotia

quotidiana tum rei domesticae, tum Iurisdictio-

nalium (quae multa fere quotidie erant)

me occupare, nescio an utiliter; etsi sperem

per hoc me saltem otium fugisse malorum

omnium fomitem. ¦ Durabam in huius

Oeconomiae administratione duos fere annos,

cum videbatur Reverendissimis Dominis Superioribus meis,

iterum me ad Monasterium revocare, et ad munus

Archyvistae applicare. ¦ Cui gratiosissimae

Voluntati