Kloster-Tagebuch von Pater Joseph Dietrich

Transkription

Præfatio

Finio iterum, quod ante biennium cœpi, Lector

Benevole, Diarium meum pro Annis 1687 et

1688. Quo cum etiam Officium Œconomiæ Einsid-

lensis finit, per octo fere annos ab indigno me

administratum. Indubie ex causa multorum

defectuum, quos cæcus ego ex amore proprio vi-

dere non poteram, hinc cedere iussus sum, licet

Reverendissimi Domini Superiores mei satisfactionem se ha-

bere in administratione mea, non semel et mihi-

met et aliis professi sint. Ut ut sit,

errare humanum esse, cuilibet notum est: at vero

errorem non corrigere intolerabile. Quia igitur

Defectus mei plurimi fuerunt, eos in posterum

in Œconomia Freudenfels emendare, et pro

prioribus satisfacere, pro Viribus, Deo dante

studebo. Habes autem in hoc

Diarii mei tomo ultimo, mi Lector charissime,

Angelicæ Dedicationis Anno 1687 festive cele-

bratæ Hystoriam per extensum descriptam.

Habes etiam variorum negotiorum molestam expe-

ditionem, quas inter non minimum tædium mihi attulit

Suitensium in valle Sylana violenta lignorum

excisio, et similia, quæ tandem per non contemnendam

pecuniæ summam redimenda fuerunt. Habes

item turbidam inquietudinem circa finem Anni

per Galliæ regem in vicinis Imperii Cæsarei

Ditionibus excitatam, cum non parvo Patriæ Hel-

veticæ