Kloster-Tagebuch von Pater Joseph Dietrich

Transkription

Praefatio

In veritate experior, quam vere dixerit

Job 24. Cap. quod homo nunquam in eodem

statu permanet. A tempore meae Professio-

nis Monasticae mutabar ab officio in officium, ab

onere in onus. Vix sacerdos, Cantor constituor.

Necdum annum in hoc perstans, applicor ad Biblio-

thecam primo cum socio, deinde solus. Duobus

annis in hoc munere cum maximo et continuo labo-

re exantlatis (feceramus indicem librorum omnium

accuratissimum, eumque in tabulas et Classes re-

degeramusa) molestissima typographiae negotia tra-

ctare per septennium compellor, interim etiam Conver-

sorum fratrum per annum instructor, per plures

etiam Sanctissimi Rosarii Praeses; quod posterius unice mihi

semper charum fuerat. Dein ad textrinam

seu pannificium (traphicam uti laboriosam,

ita non parum taediosam ex commercio cum variis

hominum generibus etc) mutatus, mox ad ollas

damnatus culinae praeficior, nec diu post ad Oeco-

nomiae Einsidlensis munus, an elevor, an deprimor,

dicam, cum vaccis, bobus, vitulis, equis, ovibus,

capris, porcis, lignis, faeno, gramine negotians,

et quidem temporibus quo aedificia Chori, Sacri-

stiae, Sanctae Mariae Magdalenae Capellae, Altaris

marmorei, et fontis Beatae Virginis itidem marmorei,

struebantur, ubi licet non marsuppium solum, sed multa

etiam Monasterii substantia inverteretur, nec hiscere tamen

contra